Meelad Un Nabi Ki Fazeelat

AHANSARI786:
.
* Meelad Un Nabi Ki Fazeelat *
Aaj Kuch Log Apni "Kam Ilmi" Ya "Dil Ke Mareez" Hone Ki Bina Par Ye Kahte Huwe Dekhe Jate Hain Ki,
"Milad-Un-Nabi (Sallallahu Alaihi Wasallam) Kisi Tarah Sabit Nahi,
Deen Me Iski Koyi Asal Nahi,
Aise Logon Ko Mukhatib Karte Huwe,
Imam Suyuti (Alaihi Rahma) Ne Bahot Pyari Baat Farmayi Hai Ki,
"Nafi-ul-ilmi La Yalzamu Minhu Nafi-Ul-Wujud",
Yani Ilm Ki Nafi Se Wujud Ki Nafi Lazim Nahi Hoti,
Asaan Zuban Me Ki Agar Hum "Kanpur" Naam Ke Kisi Shaher Ko Nahi Jante,
To Iska Matlab Ye Nahi Ki Kanpur Naam Ka Koyi Shaher Hai Hi Nahi.
.
* Imam Ibne Hajar Haitami (Rahimahullahu Ta'ala) Ne Milad Ke T'alluq Se Khulfa-e-Arba Yani khulfa-e-Rashida K Jo Aqwal (Sayings) Darj Kiye Hain,
Wo Darj Zel Hain,
.
* 1) Hazrat Abu Bakar Siddique (Radi Allahu Anhu) Ne Farmate Hain,
"jis shaks Ne Huzur (Sallallahu Alaihi Wasallam) Ka Milad Shareef Padhne Par,
Ek Dirham (Arabic Currency) Bhi Kharch Kiya Wo Jannat Mein Mere Saath Hoga.
.
* 2) Hazrat Umar Farooq (Radi Allahu Anhu) Farmate Hain,
Jisne Huzoor (Sallallahu Alaihi Wasallam K Meelad Shareef Ki Tazeem (Respect) Ki,
Us Ne Jaise Ki Islam Ko Zinda Kar Diya.
.
* 3) Hazrat Usman Ghani (Radi Allahu Anhu) Farmate Hain,
Jisne Huzoor (Sallallahu Alaihi Wasallam) Ka Meelad Shareef Padhne Par Ek Dirham Bhi Kharch Kiya,
Wo Jaise Ghazwa-e-Badr-o-Hunain Mein Haazir Huwa.
(Ghazwa Means A Holy War Which Is Fought In The Company Of Prophet Muhammad (Sallallahu Alaihi Wasallam)
.
* 4) Hazrat Ali Murtaza (Radi Allahu Anhu Wa Karramallahu Wajhu Farmate Hain,
"Jisne Huzoor (Sallallahu Alaihi Wasallam Ke Meelad Shareef Ki Tazeem Ki,
Aur Meelad Padhe Jane Ka Sabab Bana,
Wo Duniya Se Imaan Ke Saath Hi Jayega,
Aur Jannat Mein Bhi Be-Ghair Hisab Ke Dakhil Hoga.
(An Nemat-Ul-Kubra
Pg.No.5-6)