Unn Cheezon ka Bayaan Jinse Rozah Nahin Tootta

* Unn Cheezon Ka Bayaan Jinse Rozah Nahin Tootta *
.
* Masla :
Kisi Rozdaar Ko Bhool Kar Khaate–Peete Dekhe To Yad Dilaana Wajib Hai,
Yaad Na Dilaya To Gunehgaar Huwa.
.
* Masla :
Makkhi Ya Dhuwa Ya Gubaar Halaq Me Jaane Se Rozah Nahin Tootta.
.
* Masla :
Tel Ya Surma Lagaya To Rozah Na Toota,
Agarche Tel Ya Surma Halaq Me Mehsoos Hota Ho,
Balke Thook Me Surma Ka Rang Bhi Dikhaayi Deta Ho Jab Bhi Nahi Toota.
.
* Masla :
Gusl Kiya Aur Paani Ki Thandak Andar Mehsoos Huwi Rozah Nahi Toota.
.
* Masla :
Kulli Ki Aur Paani Bilkul Phek Diya Sirf Kuch Tari Munh Me Baaki Reh Gayi Thi,
Aur Thook Ke Saath Use Nigal Gaya,
Rozah Nahi Toota.
.
* Masla :
Kaan Me Paani Chala Gaya,
Roza Nahi Toota.
.
* Masla :
Bhool Kar Khaya Piya HumBistari Ki,
Rozah Na Toota Chaahe Wo Rozah Nafl Ho Ya Farz.
.
* Masla :
Tinke Se Kaan Khujaya Aur Uss (Tinke) Par Kaan Ka Mayl Lag Gaya,
Phir Wahi Mayl Laga Huwa Tinka Kaan Me Daala Agarche Chand Baar Kiya Ho,
Rozah Na Toota.
.
* Masla :
Daanton Se Khoon Nikalkar Halaq Tak Pahuncha Magar Halaq Se Niche Na Utra To Rozah Na Toota,
Aur Agar Halaq Se Niche Utra Magar Itna Kam Tha K Halaq Me Mazah Mehsoos Na Hua Jab Bhi Rozah Na Toota.
.
* Masla :
Thook, Balgum, Naak Ki Reet Wagairah Nigalne Se Rozah Nahin Toota.
.
* Masla :
Bhoole Se Khana Kharaha Tha Yaad Aate Hi Fauran Luqma Phek Diya,
Ya Subha-Saadiq Se Pehle Kha Raha Tha Aur Subha Hote Hi Ugal Diya, Rozah Na Gaya Aur Nigal Gaya To Dono Surton Me Rozah Jaata Raha.
.
* Masla :
Ehtlaam(Night Fall) Huwa Ya Geebat Ki To Rozah Na Gaya,
Agarche Geebat Bahut Sakht Kabeera Hai.
.
(Quran-e-Majeed Me Geebat Krne Ki Nisbat Farmaya Jaise Apne Murda Bhai Ka Gosht Khaana.
(Surah-e-Hujraat, Aayat-12)
Aur Hadees Me Farmaya Geebat Zina Se Bhi Sakht Tar (Bahut Sakht) Hai,
Agarche Geebat Ki Wajah Se Roze Ki Nooraniyyat Jaati Rehti Hai.)
.
* Masla :
Janaabat (Napaaki) Ki Haalat Me Subha Ki Agar Saare Din Naapak Raha,
Rozah Na Gaya Magar Itni Der Tak Qasdan Gusl Na Karna K Namaaz Qaza Ho Jaaye Gunah Wa Haraam Hai.
.
(Hadees Me Hai K Junub (Napaak) Jis Ghar Me Hota Hai Usme Rehmat Ke Farishte Nahi Aate.)
.
* Masla
Daanton Me Koi Cheez Chane Se Kam Thi Aur Use Nigal Gaya,
Rozah Na Toota.